Aerva Javanica / Pambuku i Shkretëtirës; Lufton inflamacionin, forcon imunitetin, qetëson dhimbjet, kuron plagët, ulçërat, kistet…

Arabisht: الراء الجاوي  الراء اللبدي،-Erraa El-lebedi, Erraa el Xhavi

Anglisht: Kapok bush or Desert cotton.

Emri shkencor: Aerva Javanica L.

Familja: Amaranthaceae

Aerva Javanica është bimë shumëvjeçare, me lartësi 30-60cm, me kërcell të gjatë, me lule të vogla, të shumta e të bardha në gri.

Origjina e bimës është Gadishulli Arabik dhe Afrika. Bima përdoret për trajtimin e dhimbjeve. Në rajonin jugor të Arabisë Saudite është përdorur për të ndaluar gjakderdhjet dhe për të kuruar plagët. Arabët e përdorin edhe për të mbushur jastëkët, prandaj edhe ndryshe quhet ‘pambuku i shkretëtirës’. Në Oman, krerët e luleve përdoren për të trajtuar plagët, kistet dhe ekzemën. Kjo barishte është e rrënjosur thellë, dhe është përdorur si binder i tokës në shkretëtirë. Ajo përdoret nga jashtë për të hequr ënjtjet, për lehtësimin e inflamacionit, për të nxitur shërimin e plagëve dhe ulçërat. Lulet dhe rrënjët janë përdorur për të lehtësuar problemet e veshkave dhe reumatizmën, kurse farat kurojnë dhimbjen e kokës.

Pjesët që përdoren: Rrënjët, lulet, farat.

Elementët përbërës: Chrysoeriol, isorhamnetin 3-O-rutinoside, kaempferol 3-O-robinoside, campesterol, β-sitosterol, and the triterpenoid α- and β-amyrin.

Dobitë mjekësore të Aerva Javanica

– Lufton inflamacionin dhe pastron trupin nga helmet.

– Forcon imunitetin, nxit fuksionin normal të tij dhe lufton qelizat kancerore.

– Bima është diuretike, anti-arsenik dhe shpërbën gurët e fshikëzës.

– Lufton viruset që shkaktojnë dëmtim të indeve.

– Parandalon gjakderdhjet dhe ndihmon në kurimin e plagëve.

– Ndihmon për qetësimin e migrenës dhe dhimbjet e kokës.

– Lufton inflamacionin e nyjeve dhe ndihon në kurimin e reumatizmës.

– Qetëson dhimbjet e dhëmbëve.

– Ndihmon për trajtimin e sëmundjeve të syve.

– Përdoret për kafshimet e gjarpërinjve dhe insektet.

– Është efektive për trajtimin e plagëve të thella dhe gërryese.

Shënim!

– Aerva Javanica është pa efekte anësore nëse merret në mënyrën e duhur.