Lidhja midis sëmundjes së mishrave të dhëmbëve, hipertensionit dhe sulmeve në zemër dhe tru

A e dini se gati gjysma e të gjithë personave mbi moshën 30 vjeç kanë një farë sëmundje të mishrave të dhëmbëve? Sipas Qendrave të Sh.B.A për Kontrollin dhe Parandalimin e Sëmundjeve (CDC), kjo do të thotë që shumë amerikanë ose tashmë kanë një shëndet të dobët oral, ose janë në rrugën e duhur për ta zhvilluar atë.

Kjo mund të vijë si befasuese, por dhëmbët e prishur dhe fryma e keqe nuk janë problemet e vetme që shkakton sëmundja e mishrave të dhëmbëve. Një meta-analizë dhe një përmbledhje sistematike e Shtatorit 2019 e botuar në “Hulumtime Kardiovaskulare” zbulon se të kesh periodontit – një formë e përparuar e sëmundjes së mishrave të dhëmbëve – rrit shanset për të pasur hipertension, një faktor kryesor rreziku i sulmit në zemër.

3 Mënyra tronditëse se si shëndeti i dobët i gojës ndikon në shëndetin e zemrës

Komunitetet shkencore dhe mjekësore janë dakord në mënyrë absolute se shëndeti i dobët oral mund të dëmtojë zemrën dhe të rrisë rrezikun për:

1. Tension të lartë të gjakut
2. Sulm në zemër
3. Goditje të tru.

Por si?

Në kërkimin e ri për “Kërkime Kardiovaskulare”, studiuesit analizuan 81 studime mbi lidhjen midis sëmundjes së mishrave të dhëmbëve dhe hipertensionit (presionit të lartë të gjakut). Bazuar në këtë koleksion të madh të të dhënave, ata zbuluan se sëmundja mesatare e mishrave të dhëmbëve rrit rrezikun e hipertensionit të një personi me 22%, kurse sëmundja e rëndë e mishrave të dhëmbëve rrit rrezikun e një personi deri në 49%!

Me fjalë të tjera: shëndeti i dobët oral mund të rrisë ndjeshëm rrezikun për hipertension, që ne e dimë se është një faktor kryesor i rrezikut të goditjes në tru dhe sulmit në zemër. Hulumtuesit besojnë se rritja e inflamacionit të shkaktuar nga sëmundja e mishrave të dhëmbëve dhe bakteret orale janë fenomene kryesore që fshihen pas kësaj lidhjeje.

Gjetjet e tyre kanë implikime të mëdha. Ata vërejnë se edhe vetëm një ngritje modeste e presionit të gjakut (të themi, +5 mmHg) mund të rrisë rrezikun e vdekjes së një personi nga sulmi në zemër ose goditja në tru deri në 25%!

Përveç kësaj, shëndeti i dobët oral mund të rrisë rrezikun e një personi për diabet, kancer dhe (në gratë shtatzëna) peshë të ulët të lindjes dhe lindjes së parakohshme.

Lajmi i mirë! Kujdesi i duhur shëndetësor oral përmirëson cilësinë e jetës tuaj

Një studim i vitit 2011 i botuar në “Journal of Aging Research” zbuloi se larja e dhëmbëve çdo natë, pastrimi i tyre me flosser çdo ditë dhe vizita te dentisti rregullisht shoqëroheshin me rritjen e jetëgjatësisë tek të rriturit.

Dhe, edhe pse ky studim ka disa të meta, gjetjet kanë kuptim: duke i mbajtur të shëndetshëm dhëmbët dhe mishrat e dhëmbëve, ju mund të zvogëloni rrezikun për shumë probleme shëndetësore që lidhen me shëndetin e dobët, dhe kështu rritni jetëgjatësinë tuaj.

Plus, është e arsyeshme të thuash që një person i angazhuar sa duhet për të praktikuar zakone të shëndetshme të përditshme, ka të ngjarë të praktikojë zakone të tjera të shëndetshme, si ushtrimi, shmangia e pijeve dhe ushqimeve me sheqer, dhe nuk e pi duhanin.

Kuptoni shenjat kryesore të paralajmërimit të sëmundjes së mishrave të dhëmbëve

Ju ndoshta supozoni se sikur të kishit sëmundje të mishrave të dhëmëve, do ta dinit. Në të vërtetë, shumica e shenjave dhe simptomave të sëmundjes së mishrave të dhëmbëve janë mjaft të dukshme, por disa – si një ndryshim në mënyrën se si dhëmbët përshtaten së bashku kur kafshoni ose keni frymë të keqe të vazhdueshme – nuk mund të kuptohen lehtë.

Këtu janë shenjat e tjera kryesore paralajmëruese:

• Mishrat e dhëmbëve që rrjedhin gjak gjatë larjes, ushqimit të ngurtë dhe pastrimit me flosser.
• Mishrat e kuq, të butë dhe të fryrë.
• Mishrat e dhëmbëve që largohen nga dhëmbët, gjë që i bën dhëmbët të duken më të gjatë.
• Dhimbje, brishtësi ose plagë në gojë.
• Dhëmbë të lëvizshëm apo të pazhvilluar.

Edhe nëse mendoni se dhëmbët dhe mishrat e dhëmbëve janë plotësisht të shëndetshëm, duhet të vizitoni një dentist të kualifikuar, të paktën një ose dy herë në vit. Natyrisht, nëse keni çështje serioze për shëndetin oral, mund t’ju duhet të shihni një dentist më shpesh për kontrollet.

Veproni në shtëpi

– Përdorni vajra bimor për lyerjen e mishrave të dhëmbëve.

– Shpëlani gojën me kripë deti.

– Përdorni një Hydrofloss dhe bëni gargarë me çaj bimësh.