Postimet e Fundit

Më të lexuarat sot

SINDROMI I ZORRËS QË PIKON

///SINDROMI I ZORRËS QË PIKON

SINDROMI I ZORRËS QË PIKON

SINDROMI I ZORRËS QË PIKON

 

Sindromi i “Zorrës që pikon” i referohet një gjendje të shkaktuar nga dëmtimi i stomakut dhe murit të zorrëve, veçanërisht mukozës.

Kur alergjitë ushqimore, bakteret antipatike ose parazitët janë të pranishëm, muri i zorrëve mund të bëhet i përflakur, dhe ky inflamacion mund të çojë në një shumëllojshmëri të problemeve të rënda shëndetësore.

Së pari, kjo mund të krijojë irritim, imunitet të komprometuar në zorrë, ku bakteret antipatike, tharmi, ose parazitët mund të shumohen pa rezistencë nga sistemi imunitar, për shkak të gjendjes së tij të dobësuar.

Së dyti, kjo mund të krijojë lezione, të ngjashme me vrimëza të vogla në murin e zorrëve. Këto lezione lejojnë sasi më të mëdha se normalja apo jo të thyera plotësisht të molekulave proteinike, që të depërtojnë nga zorrët, në gjak.

Pasi këto proteina të patretura hyjnë në gjak, mund të rezultojnë probleme serioze. Sistemi imunitar reagon ndaj molekulave sikur të ishin pushtues të huaj, dhe prodhon antitrupa për të ndihmuar luftimin e tyre. Këta antitrupa sulmojnë molekulat proteinike, por ato vazhdojnë të sulmojnë gjithashtu edhe vetë zorrën. Kjo është arsyeja pse, përveç çrregullimeve të ndryshme të traktit Gastrointestinal, sindromi i zorrës që pikon është i lidhur gjithashtu me sëmundjet autoimune, të tilla si artriti reumatoid dhe spondylitis ankylosing.

Lufta e sistemit imunitar kundër pushtimit të grimcave të proteinave krijon inflamacion brenda dhe rreth zorrës. Kjo luftë mund të rezultojë në gazra të tepruar, lodhje, jashtëqitje të dobët, ndoshta diarre ose kapsllëk, dhe krijon ambient të përshtatshëm për zhvillimin e alergjive dhe ndjeshmërive ushqimore.

Dëmtimi i sindromit mund të rritet në përmasa epike, deri në pikën ku dikush nuk është në gjendje të fusë asgjë në bark, pa pasur asnjë lloj të reagimit alergjik. Kësaj i bashkangjitet paaftësia për të absorbuar ushqyesit e nevojshëm, duke e lënë trupin të varfëruar rëndë dhe të ndjeshëm ndaj sëmundjeve të mëtejshme. Ky proces quhet Sindromi Gastrointestinal i Membranës së mbidepërtueshme, i njohur zakonisht si sindromi i zorrës që pikon.

Sindromi i zorrës që pikon e bën personin të prekshëm ndaj sëmundjeve. I rënduar nga parazitët, ai mund të zhvillohet gjithashtu nga acarimet e shkaktuara nga medikamentet, antibiotikët ose barnat anti-inflamatore jo-steroidale të tilla si aspirina, Aleve, ose Advil.

Sindromi i zorrës që pikon ndonjëherë është fajtori që qëndron pas mosfunksionimeve të ndryshme imune, çrregullimeve auto-imune, dhimbjes së kokës, depresionit, alergjisë, skuqjes së lëkurës, sindromit të lodhjes kronike dhe Fibromyalgia, e të tjera.

Zora që pikon, shpesh është e neglizhuar në mjekësinë konvencionale, ndërsa një mjek alternativ i specializuar është shumë i vetëdijshëm për shenjat dhe simptomat e këtij sindromi.

Simptomat

Simptomat e zorrës që pikon nuk janë unike. Ato i ngjajnë simptomave të problemeve të tjera, gjithashtu. Dhe testet shpesh dështojnë për të zbuluar shkakun e vërtetë të problemit. Kjo mund t’i lërë njerëzit pa një diagnozë dhe, prandaj, nuk trajtohen.

Megjithatë, simptomat mund të përfshijnë:

– fryrje,

– gazra,

– dhimbje barku,

– ndjeshmëri ndaj ushqimit,

– si dhe dhimbje dhe vuajtje.

Zorra që pikon mund të shkaktojë gjithashtu shqetësime neurologjike, të tilla si:

– sjellje agresive,

– ankth,

– konfuzion,

– ndjenjë e turbullt ose të menduarit e turbullt,

– luhatje humori,

– nervozizëm,

– memorie të dobët,

– si dhe probleme të frymëmarrjes, duke përfshirë gulçim dhe astmë.

Simptoma të tjera përfshijnë:

– imunitet të dobët,

– infeksione të përsëritura të fshikëzës,

– infeksione të përsëritura vaginale,

– skuqje të lëkurës,

– urinim në shtrat,

– dhimbje kronike të kyçeve,

– dhimbje kronike të muskujve,

– lodhje.

Shkaqet

Sindromi i zorrës që pikon vjen si rezultat i dëmtimit të qelizave të zorrës së vogël, ku hapësira mes këtyre qelizave bëhet më e madhe dhe i lejon molekulat e patretura mirë të ushqimit dhe grimcat e ‘mbeturinave’ të kalojnë përmes tyre.

Shumë gjëra mund t’i dëmtojnë këto qeliza, duke shkaktuar ose rënduar sindromin e zorrës që pikon. Më poshtë janë shkaktarët më të zakonshëm:

  1. Barnat Farmaceutike
  • Antibiotikët
  • Barnat anti-inflamatore jo-steroidale (si p.sh. aspirina, ibuprofen, acetaminophen, etj.)
  • Pilulat kontraceptive
  • Barnat Steroide
  • Agjentët kimioterapeutik
  • Antacids
  1. Ushqimi
  • Një dietë e lartë në sheqer të rafinuar dhe miell, ushqime të përpunuara, aditivë kimik të ushqimit, të tilla si ngjyrat artificiale dhe aromatizuesit, alkooli (ku përfshihet birra dhe vera), pijet me gaz dhe kafeina, që të gjitha veprojnë në trup si toksina. Këto vendosin një peshë të rëndë në sistemin imunitar të trupit, mbingarkojnë mëlçinë, dhe irritojnë murin e zorrëve.
  1. Mikroorganizmat dhe Radikalet e lira
  • Parazitët e ndryshëm, bakteret, myku dhe mykotoksinat mund të dëmtojnë murin e zorrëve dhe mund të veprojnë në molekulat e patretura të ushqimit në zorrë, duke prodhuar mbeturina toksike, kimikate, dhe gaz. Këto produkte toksike mund të dëmtojnë gjithashtu murin e zorrëve dhe, kur ato kalojnë në gjak, e vendosin përgjigjen imune në gjendje të fikur dhe rritin ngarkesën toksike të trupit.
  • Radikalet e lira mund të dëmtojnë çdonjë prej indeve dhe qelizave të trupit, duke përfshirë qelizat e murit të zorrëve.
  1. Mangësitë ushqyese
  • Zinku dhe vitamina B-6 janë të nevojshme për të ruajtur integritetin e zorrëve, dhe për të prodhuar acidin klorhidrik.
  • Vitamina A është e nevojshme për të ndërtuar linjë mukozale të shëndetshme, duke përfshirë edhe atë të zorrëve.
  • Amino acidi, l-glutamine, që gjendet në proteina, ​​luan rol të rëndësishëm në procesin normal të riparimit të zorrëve.
  1. Sëmundje dhe çrregullime të ndryshme
  • Kushtet inflamatore të zorrëve, si sëmundja Crohn, koliti, celiac, dhe pancreatitis, jo vetëm mund të shkaktojnë rritje të përshkueshmërisë së zorrëve, por rritja e përshkueshmërisë së zorrëve mundet nga ana tjetër t’i përkeqësojnë këto kushte.
  • HIV / AIDS mund të krijojë një zorrë që pikon, ashtu si edhe barnat kimike që përdoren për të menaxhuar sëmundjen.
  • Candidiasis.
  • Kanceri i traktit gastro-intestinal.
  • Alergjitë ushqimore që shkaktojnë një përgjigje imune përgjatë traktit gastro-intestinal.
  • Çrregullimet e mëlçisë dhe funksioni i dobët i saj.
  1. Mënyra e të jetuarit
  • Një mënyrë jetese me stress të lartë, ose një paaftësi për të trajtuar stresin e përditshëm, ul rrjedhjen e gjakut në zorrë dhe rrit radikalet e lira në të.
  • Nikotina është prej shkaktarëve të zorrës që pikon gjithashtu.

 

TRAJTIMI NATYRAL I SINDROMIT TË ZORRËS QË PIKON

Dieta ushqimore

Ne kemi hartuar disa udhëzime të përgjithshme për të ndihmuar udhëtimin tuaj drejt shëndetit, kështu që ju mund të filloni menjëherë.

Në rastin e sindromit të zorrës që pikon dhe të gjitha problemeve të tretjes, ushqimi i shëndetshëm është i një rëndësie primare. Pini shumë ujë të pastër të filtruar, rritni konsumin e frutave të freskëta dhe perimeve organike, kokrrave komplekse të plota, të tilla si të tilla si Amaranth dhe quinoa, si dhe mishin organik, pulat organike pa lëkurë, dhe peshk të egër.

Shmangni të gjitha ushqimet e përpunuara, të skuqurat, ushqimet komerciale jo-organike, alkoolin, sheqernat, ëmbëltuesit artificial, ruajtësit dhe ngjyrosësit e ushqimit, karbohidratet e rafinuara. Mos hani deri sa të ngopeni, dhe qëndroni larg yndyrnave. Në vend të këtyre zgjidhni gjalp /vaj kokosi të virgjër, vaj ulliri ekstra të virgjër, vaj farë liri.

Ne rekomandojmë një dietë me ushqime të plota, të papërpunuara, për shkak të fuqisë së saj për të mbështetur shërimin dhe për të eliminuar shumë çrregullime dhe sëmundje.

Receta të shpejta natyrale

– Merrni një gjysmë limoni të shtrydhur në një gjysmë gote me ujë, 10 deri në 15 minuta para ngrënies, për të stimuluar lëngjet e stomakut.

– Çaj xhenxhefili, ose xhenxhefil i shtuar në lëng limoni është gjithashtu i dobishëm.

– Lëng limoni dhe uthull molle: Një apo dy lugë të tretura në një gotë ujë, para ushqimit, mund të ndihmojë tretjen.

Aromaterapia

– Vajrat esenciale të kamomilit dhe barbarozës mund të ndihmojnë në lehtësimin e simptomave.

– Vaj limoni mund të përdoret gjithashtu.

Mund të merrni gjithashtu në konsideratë:

– Vaj glikanxo, borziloku, kopre, mendre, rozmarine, melise – shumë të mira për dhimbjet.

– Vaj arrëmyshk, mendre, Cardamon, dëllinje – të mira për dhimbjet e barkut.

Këto vajra mund t’i përdorni për masazh; shtoni në mes të dy dhe pesë pika të një kombinimi maksimal prej tre vajrave esencial në 25ml vaj vegjetal (vaj ulliri), ose i shtoni në një banjë të ngrohtë.

Bimë mjekësore

Mendra – e marrë në formë çaji mund të jetë vendimtare për procesin e tretjes, qetësimin e stomakut dhe si një agjent anti-biotik natyral i butë.

Kamomili – nëse merret si çaj, lehtëson gazin, dhimbjet e barkut dhe të përzierën e shkaktuar nga sindromi i zorrës që pikon.

– Rrënjë alte – qetëson përflakjen e membranës së traktit digjestiv.

Goldenseal – siguron lehtësim të shpejtë, kur përdoret për të trajtuar problemet e tretjes.

Terapia me lëngje

– Lëng lakre të papërpunuar, vetëm, ose të përzierë me lëng karrote ose lëng selino.

– Lëng patate të papërpunuara.

– Lëng bar gruri.

– Lëng karrote + lëng spinaqi.

– Lëng karrote.

– Lëng karrote + kastravec +panxhar.

Shmangni të gjitha lëngjet e agrumeve, pasi kjo mund të përkeqësojnë simptomat tuaja në masë të madhe.

Arti i jetesës

Nëse pini duhan, lëreni menjëherë, dhe gjithashtu shmangni ekspozimin ndaj tymit të dorës së dytë të cigareve.

Përveç kësaj, mësoni se si të përballeni në mënyrë efektive me stresin dhe si ta menaxhoni atë.

Në qoftë se merrni aspirinë apo ndonjë nga medikamentet e tjera anti-inflamatore jo-steroidale, i zëvendësoni ato me mjete natyrale më të sigurta dhe më efektive.

 

By | 2017-04-18T21:08:27+00:00 April 18th, 2017|Aparati Tretjes|Comments Off on SINDROMI I ZORRËS QË PIKON
error: Alert: Content is protected !!