9 shenja paralajmëruese të kisteve të vezoreve

Kistet e vezoreve janë kiste të vogla e të mbushura me lëng dhe janë të vendosura brenda ose në sipërfaqen e vezoreve.

Zbulimi i kisteve të vezoreve është i rëndësishëm për trajtimin, por shpeshherë nuk kanë simptoma.
Sot, një pjesë e madhe e femrave është e prekur nga sindromi i polycystic ovarian. Kjo do të thotë se ato kanë kiste të vezoreve, të cilat zakonisht janë të padëmshme dhe të madhësive të ndryshme.

Shkaqet e kisteve të vezoreve

– Zakonisht shkaktohen në mënyrë tipike nga luhatjet hormonale, dhe mund të zhvillohen në çdo kohë gjatë viteve riprodhuese.

– Hipertiroidizmi.

– Pirja e duhanit.

– Përdorimi i disa ilaçeve kimike gjithashtu shkakton kiste në vezore.

Edhe pse kistet në vezore nuk janë problem serioz shëndetësor, është e rëndësishme që ato të zbulohen në kohën e duhur për të parandaluar rritjen e mëtejshme.

Lexo gjithashtu

Një numër i simptomave fizike janë të rëndësishme për zbulimin, por simptoma të tjera mund të tregojnë praninë e kisteve në vezore.

  1. Ndryshimet në urinim

Çdo ndryshim në urinim mund të jetë një shenjë se ju keni probleme të ndryshme shëndetësore.

Në qoftë se papritmas ndjeni nevojën për të urinuar dhe nuk mund ta kontrolloni atë, mund të jetë për shkak të kisteve në vezore.

Djegia pas urinimit, tregon se muskujt e legenit janë dobësuar ose të infektuar.
Nëse problemi vazhdon për më shumë se disa ditë, është më mirë që të konsultoheni me mjekun për diagnozën e hershme.

  1. Gjakderdhje jonormale

Një nga simptomat më të dukshme të një problemi hormonal është diktimi që ndodh në mes të periudhave.

Edhe pse është e zakonshme për shumicën e grave ta përjetojnë këtë herë pas here, por në qoftë se po ndodh në bazë të rregullt, është më mirë për të vizituar mjekun.

  1. Dhimbje gjatë raportit seksual

Infeksionet dhe inflamacionet vaginale janë arsyet kryesore pse disa gra përjetojnë dhimbje gjatë marrëdhënieve seksuale.
Por nëse problemi bëhet në mënyrë të vazhdueshme dhe ndikon në jetën normale seksuale, ju keni nevojë për të parë shkakun.

  1. Të vjella dhe të përziera

Të vjellat dhe të përzierat nuk janë simptoma vetëm për gratë shtatzëna. Pabarazitë hormonale që shkaktojnë kistet në vezore mund të shkaktojnë këto simptoma edhe në gratë që nuk janë shtatzënë.

  1. Ënjtje barku

Kjo është një simptomë që është injoruar shpesh, sepse zakonisht shkaktohet nga faktorë të tjerë.
Fryrja apo ënjtja e zonës së barkut është irrituese dhe mund të shoqërohet me dhimbje.
Nëse jeni duke vuajtur nga ajo në mënyrë të rregullt dhe nuk gjeni  lehtësim disa ditë rresht, kjo është një shenjë se diçka mund të jetë e gabuar.

  1. Dhimbje në pjesën e fundit të shpinës

Një ndjenjë e ngushtësisë ose dhimbje në pjesën e prapme më të ulët nuk tregon  gjithmonë se keni problem të muskujve. Ndonjëherë shkaku kërkon një vlerësim më të thellë, sepse mund të jetë një infeksion në veshka apo çrregullim të sistemit riprodhues.

  1. Shtim ose humbje e papritur e peshës

Humbja e papritur e peshës mund të duket si bekim për dikë që është mbipeshë apo i trashë. Por në qoftë se nuk jeni duke bërë përpjekje për të arritur atë, është më mirë ta merrni në konsideratë atë për shkak se mund të keni çrregullim në trup.
E njëjta gjë vlen edhe për shtimin e  papritur të peshës, sidomos kur  jeni duke mbajtur një mënyrë jetese të shëndetshme dhe dietike.
Humbja e oreksit ose mbingrënia për shkak të ankthit, janë shenja që ju duhet t’i trajtoni me kujdes si tregues të mundshëm të sëmundjes.

  1. Lodhja e vazhdueshme

Stresi, një dietë e varfër, dhe mbingarkesa me punë  janë faktorët më të zakonshëm që shkaktojnë periudha të shkurtra të lodhjes. Pabarazitë hormonale megjithatë, mund të të shkaktojë lodhje të vazhdueshme apo kronike.
Nëse ndjeni se nuk keni asnjë energji, jeni të lodhur, ose keni probleme me përqëndrimin, kjo mund të jetë për shkak të kisteve në vezore.

  1. Dhimbje të legenit

Dhimbja në rajonin e legenit është një shenjë shumë e rëndësishme e sindromit polycystic ovarian. Nëse ndodh pa ndonjë shkak, kjo është një arsye e mirë për të folur me mjekun për diagnozimin e sëmundjes.

Të gjitha simptomat e listuara më sipër mund të ndodhin në mënyra të ndryshme, në varësi të rastit.

Mënyra natyrale për trajtimin e kisteve të vezoreve

– Magneziumi; redukton dhimbjet dhe parandalon formimin e kisteve. Konsumoni ushqime të pasura me magnezium të tilla si: bananet, bajamet, brokoli, etj.

Omega-3; ruan ekuilibrin e hormoneve dhe mbështet sistemin imun. Ushqime të pasura me omega-3: salmon, sardele, fara, etj.

– Lakra, lulelakra; ndihmojnë në eleminimin e çrregullimeve hrmonale.

– Konsumoni ushqime të pasura me vitaminë B. Vitamina B ndihmon në balancimin e sheqerit në gjak dhe nivelet e hormoneve. Ushqime të pasura me vitaminë B janë: vezët, spinaqi, produktet e qumështit, peshku, pula, karrota, avokado, etj.

– Uji; pini ujë të pastër e të filtruar. Pini sipas peshës dhe gjatësisë tuaj.

Shmangni

Alkoolin.

Duhanin.

– Pijet e gazuara dhe me kafeinë.

– Sheqerin e rafinuar.

– Shmangni enët plastike; Shumica e plastikës së zakonshme përmban xenoestrogens që mund të depërtojë në ushqim, kështu që është e këshillueshme për gratë (dhe për të gjithë njerëzit) për t’i shmangur enët plastike ose ruajtjen e ushqimit në enë plastike.

– Gjithashtu, shmangni produktet që përmbajnë alumin, i cili është një xenoestrogen.

– Stresi; gjeni mënyra relaksimi. Stresi kontribon në çrregullime të ndryshme në trup përfshi edhe kistet.

– Ilacet kimike; Shpërngulni ilacet kimike njëherë e mirë nga shtëpia juaj.

Nëse dëshironi të jeni larg këtij sindromi dhe larg shqetësimeve të tjera, atëherë ju duhet të ruani shëndetin tuaj të përgjithshëm. Sigurohuni që ushqimi që merrni të ketë të gjithë përbërësit e nevojshëm. Ju jeni një individ i veçantë, dhe nevojat e trupit tuaj nuk janë identike me askënd tjetër. Pra, në qoftë se ju vuani nga kistet e vezoreve, ju nuk duhet të hiqni dorë nga shpresa. Parësore për ju është të kërkoni vetëm mënyra natyrale për kurim.