RRETH NESH

 

Mjekësia Bimore Arabe është një organizim profesional në fushën e mjekësisë bimore, dhe kryesisht asaj tradicionale arabe dhe aziatike, në bashkëpunim me mjekë dhe herbalist të specializuar të botës arabe.

E themeluar në vitin 2009 në Jordani, në vitin 2016 Mjekësia Bimore Arabe hapi qendrën e saj në Emiratet e Bashkuara Arabe (UAE), por aktiviteti ynë shtrihet kudo që arrin interneti dhe ilaçet tona bimore arrijnë në çdo skaj të botës ku arrin posta e shpejtë DHL Express, Aramex, Fedex, UPS, etj.

Mjekësia Bimore Arabe ka një histori suksesi të vërtetuar tashmë. Ajo është e para e llojit të vet në këtë fushë, dhe ne jemi lider në menyrën e trajtimit të sëmundjeve, në shërbimin që i ofrojmë të sëmurëve dhe në këshillat profesionale dhe shkencore që i ofrojmë të gjithë publikut shqipfolës, në lidhje me shëndetin dhe mënyrën e të jetuarit.

Vizioni ynë është i largët: Të ofrojmë zgjidhje dhe shërim natyral të sigurtë dhe pa efekte anësore për çdo semundje të lehtë apo të rëndë, të shërueshme apo të pashërueshme nga mjekesia konvencionale;

Ambicia jonë është e madhe: Të ndërgjegjësojmë masat e gjëra për rëndësinë e kurimit natyral; kurse udhëheqësit e pushtetarët për përkrahjen dhe investimin në këtë fushë dhe në hapjen e specialiteteve të posaçme për mjekësinë natyrale alternative në fakultetet e mjekësisë, që padyshim është edhe e ardhmja e afërt e vetë mjekësisë së suksesshme.

Nisur nga aktualiteti i hidhur i njeriut të botës së sotme moderne, ku me gjithë zhvillimet teknologjike të mjekësisë bashkëkohore, shumica e sëmundjeve, për të mos thënë të gjitha, janë kthyer në kronike dhe për to nuk ka ilaç efektiv përfundimtar, por qëllimi final i mundshëm është trajtimi i simptomave deri sa semundja të shpërthejë dhe të dalë jashtë kontrollit, pa llogaritur efektet anësore të trajtimeve moderne dhe ilaçeve kimike që i shkaktohen pacientit, të cilat në fakt janë sëmundje të tjera që i shkaktohen atij; nisur nga ky aktualitet dhe nga fakti se ne mund të bëjmë diçka për ndryshimin dhe përmirësimin e tij, sado modest që të jetë, e kemi ndërmarrë këtë hap duke u mbështetur në baza të sakta dhe të sigurta shkencore, duke gërshetuar mes kulturës mjekësore të përcjellë në mënyrë tradicionale dhe mes asaj që ka ardhur në Islam në lidhje me mjekësinë nga njëra anë, dhe mes zhvillimeve të mjekësisë moderne, kryesisht nga ato teknologjike të kësaj të fundit, nga ana tjetër.

Në këtë faqe, shpresojmë t’ju vijmë në ndihmë për gjithçka që lidhet me shëndetin fizik dhe mendor, duke filluar që me parandalimin e sëmundjes dhe deri në rikthimin e shëndetit të plotë të trupit të sëmurë, me udhëzime të caktuara për çdo sëmundje,  me programe të caktuara ushqimore dhe me ilaçe dhe kura bimore te posacme, që i nevojiten njeriut në kushtet bashkëkohore.

Besimi dhe mbështetja te Zoti duhet të jetë prezent në çdo njeri, sepse besimi e nxjerr shpirtin e njeriut në dritën e ekzistencës dhe e ngre atë në majat e optimizmit, lumturisë dhe shërimit.