Murrizi, besniku i zemrës

 

Latinisht: Crataegus monogyna.

Emri shkencor: Crataegus.

Anglisht: Hawthorn.

 

Njohuri rreth Murrizit

Ekzistojnë rreth 280 lloje të ndryshme, por karekteristika shëruese kanë Mirrizi i Kuq dhe i Bardhë.

Bima e Murrizit është shkurre, që mund të shkojë nga 2 deri 6 metra e lartë me gjemba therëse, gjethe 3 deri 5 vriguj dhe buzë të dhëmbëzuara. Pjesa e sipërme e tyre është në ngjyrë të blertë dhe me shkëlqim. Lulet e bimës janë me ngjyrë të bardhë me vastak të vegjël. Frutet e murrizit janë të rreme rreth 1 centimetër të gjatë. Periudha e lulëzimit të murrizit fillon nga muaji Maj deri në muajin Qershor. Më pas nis formimi i frutit.

Përmbajtja e Murrizit

Frutat përmbajnë 20 % farë dhe 80 % tul. Në gjendje të thatë ato përmbajnë deri 34,5 %  sheqerna, nga të cilat 30 deri 40 %  glukozë dhe fruktozë, si dhe acide organike, taninë, pektinë, yndyrë, acid citrik, saponinë.

Kur frutet janë të freskëta përmbajnë vitaminat B dhe C. Farat e tyre përmbajnë amigdalinë.

Lëvorja e frutit përmban lëndë regjëse, si dhe krateginë, kuarcetinë dhe trimetilaminë.

Gjethet e freskëta përmbajnë flavenol, trimetilaminë, ramnozid, vaj esencial. Lulet përmbajnë glukozidin, kuercitrinë dhe rreth 0,16 % vaj esencial.

Cilat pjesë përdoren?

Në Mjekësinë Bimore përdoren  gjethet e reja dhe lulet, të thara,  përdoren për të pastruar gjakun dhe kundër arterio sklerozës.

Gjatë kohës kur bima është në lulëzim frekuentohet shpesh nga bletët, të cilat thithin nektarin e lules për prodhimin e mjaltit.

Bima e Murrizit është bimë me vlera të mëdha mjekësore

– Ul presionin e gjakut.

– Kuron zgjerimin e arterive koronare.

– Fuqizon zemrën.

– Largon dhimbjet e zemrës.

– Forcon kujtesën.

– Shton oksigjenin në gjak.

– Largon stresin.

– Qetësues dhe lehtësues i gjumit.

– Lehtëson frymarrrjen dhe dhimbjet e kraharorit.

– Heq  helmet.

– Ndihmon në reduktimin e sëmundjeve së mëlçisë.

– Ndihmon në djegien e yndyrave.

Kujdes!

– Nuk duhet të merret për kohë të gjatë.

– Nuk duhet të meret me sasi të mëdha.

– Për çdo përdorues duhen këshilla të posacme në marrjen e tij, pasi tek disa mund të shkaktojë alergji dhe çrregullime të ndryshme në aparatin e frymarrjes, çrregullime nervore, çrregullime në rrahjet e zemrës etj.

– Nuk është i këshillueshëm për gratë shtatzëna dhe gjatë gjidhënies.