Mënyra natyrale për të larguar Mukusin nga trupi

 

Akumulimet e mukusit ju bëjnë të ndiheni sikur ka diçka të mbërthyer në fyt. Ndjeni një dëshirë për të pastruar fytin, dhe është me të vërtetë zhgënjyese. Ky problem zakonisht shkaktohet nga infeksionet në traktin e sipërm të frymëmarrjes, por akumulimet e mukusit mund të shkaktohen edhe nga alergjitë, astma dhe urthi.

Roli i mukusit

Mukusi parandalon infeksionet dhe mban larg viruset dhe bakteret nga trupi. Me fjalë të tjera, të kesh mukus në fyt është një gjë normale. Vështirësia e vërtetë ndodh kur mukoza bëhet e trashë dhe ka një ngjyrë të pazakontë, siç është e verdha e errët, jeshile dhe kafe.

Formimi i mukusit mund të ndikohet nga urthi ose refluksi i acidit të stomakut. Acidet e stomakut hyjnë në muskulin unazor të dobët të ezofagut, duke ju dhënë një ndjesi djegieje. Fyti irritohet dhe ju ndjeni “gungë” në fyt.

Kjo shkakton krijimin e mukusit, duke ju dhënë simptoma të ngjashme me të ftohtin, të tilla si kolla, pikimi nga hunda, dhe dhimbje të fytit. Kjo çështje nuk diagnostikohet shpesh sepse ka të njëjtat simptoma si ftohjet e zakonshme dhe alergjitë.

Prodhimi i mukusit mund të zgjatet nga alergjenët. Poleni, pluhuri, merimangat, lëkura e kafshëve dhe myku provokojnë fytin tuaj, dhe trupi krijon më shumë mukus. Astma manifestohet përmes kollitjes dhe gulçimës, por të sëmurët mund zhvillojnë mukus të tepërt.

Në rastet e infeksioneve bakteriale dhe virale, trupi gjithashtu krijon mukus të tepërt në mënyrë që të bllokojë mikro-organizmat. Sinusiti është një sëmundje në të cilën sinuset inflamohen dhe fryhen. Ky infeksion shkakton gjithashtu një pikim prej hyndës dhe mukus të trashë, të errët.

Mënyra natyrale për të eleminuar mukusin e tepërt të fytit

– Ujë i kripur

Bëni gargarë me ujë të kripur për të zvogëluar mukusin e fytit. Shtoni gjysmë lugë çaji ose një lugë çaji kripë natyrale në një gotë me ujë të ngrohtë. Shtoni edhe pak sode buke për rezultate optimale dhe bëni gargarë me ujë disa herë në ditë.

– Thithja e avullit

Shtoni vajra esencialë të shkallës terapeutike për rezultate më të mira. Përdorni eukalipt Radiata, Ravintsara dhe trumzën e butë – këto janë disa opsione të pëlqyeshme. Këto gjithashtu eliminojnë alergjenët nga ajri, parandalojnë gripin, ftohjet e zakonshme, sinusitin dhe infeksionet e frymëmarrjes.

Shtoni disa pika vajrash në dush të nxehtë me avull ose në një shpërndarës vaji esencial.

– Erëza

Specat djegës zvogëlojnë mbingarkesën, ulin inflamacionin dhe parandalojnë grumbullimet e mukusit. Elementët aktiv si: kapsaicina dhe alotil izotiocianati që përmbajnë këto erëza veprojnë si dekongjestant dhe lehtësojnë simptomat e shkarkimit të hundës dhe inflamacionit.

– Mjalti

Poleni natyral, qumështi i bletës dhe propolis i japin mjaltit fuqinë e tij të pabesueshme. Mjalti zvogëlon kollitjen. Studime të shumta kanë zbuluar se një dozë e vetme e mjaltit zvogëlon prodhimin e mukusit dhe kollitjes. Merrni një lugë mjalt 2-3 herë në ditë derisa shëndeti juaj të përmirësohet.

– Hidratoni trupin

Pini shumë ujë dhe çajra bimorë për të ulur prodhimin e mukusit. Çaj me gjethe lëpushke funksionon shumë mirë dhe gjithashtu mund të përdorni kamomil dhe xhenxhefil për të lehtësuar inflamacionin tuaj.

Shmangni shkaktarët e rrezikshëm

Shmangni irrituesit dhe alergjenët e zakonshëm. Produktet e qumështit rrisin krijimin e mukusit. Ju gjithashtu duhet të anashkaloni miellin e përpunuar, sheqerin e rafinuar dhe ushqimet e paketuara.