Fakte të mahnitshme rreth Sistemit Imunitar

Ka gjëra të habitshme që mund të mos i dini për sistemin natyror të mbrojtjes së trupit tuaj.

Pjesët e ndryshme të sistemit imunitar luajnë role unike në mbrojtjen e trupit nga infeksionet.

Sistemi imunitar përbëhet nga një rrjet qelizash, indesh dhe organesh që punojnë së bashku për të mbrojtur trupin kundër infeksioneve dhe për të ruajtur shëndetin e përgjithshëm.

Trupi i njeriut është një mjedis optimal për patogjenët, të tilla si bakteret, viruset, kërpudhat dhe parazitët që të lulëzojnë. Sistemi imunitar punon për të kufizuar aksesin e këtyre mikrobeve në trup dhe për t’i parandaluar ato të rriten dhe të shkaktojnë sëmundje.

Ndërsa shumica e njerëzve e dinë funksionin themelor të sistemit imunitar, ka shumë ndërlikime në lidhje me sistemin natyror të mbrojtjes së trupit tuaj që mund të mos jeni në dijeni.

Këtu janë disa fakte të mahnitshme në lidhje me sistemin imunitar

1. Secila pjesë e sistemit imunitar ka një funksion unik

Mendojeni sistemin imunitar si një ushtri, ku ka degë të ndryshme që secila shërben një funksion unik në mbrojtjen e trupit.

Linja e parë e mbrojtjes janë qelizat e bardha të gjakut, të cilat janë të parat që njohin patogjenët dhe luftojnë infeksionin.

Limfocitet, një lloj specifik i qelizave të bardha të gjakut, punojnë për të lejuar trupin të kujtojë mikrobet pushtuese, për t’i luftuar ato më shpejt në infeksionet e ardhshme.

Pjesë të tjera të sistemit imunitar përfshijnë palcën e kockave, ku prodhohen qelizat e bardha të gjakut; nyjet limfatike, të cilat prodhojnë dhe ruajnë qelizat që luftojnë infeksionin në të gjithë trupin; dhe shpretka, e cila ndihmon në kontrollin e sasisë së gjakut në trup dhe pastron qelizat e vjetra ose të dëmtuara të gjakut nga trupi.

2. Çdo ditë, hasim miliarda mikrobe, por jo të gjitha janë të këqija

Megjithëse mund të mos jetë e këndshme ta mendosh, mikrobe të panumërta jetojnë në trupat tanë. Ato në fakt janë të nevojshme për të ruajtur shëndetin e mirë.

Bakteret e mira në trupin tonë na sigurojnë lëndë ushqyese që na duhen dhe gjithashtu sigurojnë mbrojtje kundër baktereve të këqija dhe infeksionit. Një ekuilibër duhet të mbahet sepse kur bakteret e mira zvogëlohen, bakteret e këqija shtohen, duke na bërë të ndihemi të sëmurë.

3. Stresi mund të ndikojë në mënyrën e funksionimit të sistemit imunitar

Stresi mund të çojë në rritjen e niveleve të kortizolit, një hormon steroid që është i rëndësishëm për funksionin e përgjithshëm të trupit tonë; por shumë prej tij mund të çojë në një numër problemesh shëndetësore, duke përfshirë imunitetin e ulur. Niveli i lartë i steroideve mund të ulë funksionin e sistemit imunitar.

4. Emocionet pozitive dhe një mënyrë jetese e shëndetshme mund të rrisin funksionin e imunitetit

Disa hulumtime sugjerojnë që optimizmi në të vërtetë mund ta bëjë sistemin tonë imunitar të funksionojë më mirë. Nuk mund të themi se është një shkak i drejtpërdrejtë, por sa më i lumtur, ose më pozitiv të jesh, aq më shumë ka të ngjarë të hash mirë, të flesh mirë  dhe të jesh më pak i stresuar, gjë që do të ndihmojë sistemin imunitar.

5. Mos fjetja mjaftueshëm mund të ndikojë në sistemin imun

Mos fjetja  mjaftueshëm mund të bëjë  kërdi në trup, dhe sistemi imunitar nuk është I përjashtuar nga kjo. Studimet tregojnë se mungesa e gjumit mund të bëjë që të keni më shumë të ngjarë të sëmureni me infksione dhe gjithashtu e bën më të vështirë luftimin e infeksionit.

6. Sistemi imunitar mund të sulmojë vetveten

Sëmundjet autoimune ndodhin kur sistemi imunitar shkatërron indet e veta të shëndetshme. Në raste të tilla, qelizat e bardha të gjakut në trup nuk mund të bëjnë dallimin midis patogjenëve dhe qelizave normale të trupit, duke shkaktuar një reagim që shkatërron indet e shëndetshme.

Ndërsa ka mbi 80 lloje të ndryshme të çrregullimeve autoimune, ato të zakonshme përfshijnë artritin reumatoid, psoriazën, sëmundjen Crohn, Tiroiditi Hashimoto, Diabeti Tip I, MS, etj. Gratë kanë më shumë gjasa të diagnostikohen me sëmundje autoimune.

Sëmundjet autoimune prekin rreth 8 % të popullsisë në Shtetet e Bashkuara, duke përbërë kategorinë e tretë më të zakonshme të sëmundjeve pas kancerit dhe sëmundjeve të zemrës. Gratë përbëjnë gati 80 % të atyre që jetojnë me sëmundje autoimune. Ndërsa shkaku i sëmundjeve autoimune është i panjohur, zakonisht besohet se ka një strokomponent gjenetik.

7. Të qenët shumë i pastër mund të pengojë sistemin imunitar të funksionojë si duhet

Pastrimi dhe dezinfektimi mund të duket mënyra më e mirë për të shmangur infeksionin, por ky është një rast kur mund të mos ketë shumë gjëra të mira.

Kur e bëni mjedisin tuaj më shumë të pastër nga ç’duhet, ju minimizoni aq shumë patogjenë të huaj sa që në të vërtetë minimizoni zhvillimin e sistemit imunitar. Ky është veçanërisht rasti me fëmijët e vegjël, pasi që nëse ata nuk janë të ekspozuar ndaj mikrobeve të dëmshme fare, trupat e tyre nuk do të jenë në gjendje të zhvillojnë antitrupat e duhur për t’i luftuar ato.

Rekomandohet të praktikohet një higjienë e mirë por pa e tepruar, dhe të jetoni normalisht. Nëse dikush ka ftohje, lani patjetër duart dhe përpiquni të shmangni kontaktin e drejtpërdrejtë. Qëndroni të pastër normalisht, por mos jini fiksues për këtë. Ndërsa përpiqeni të shmangni patogjenët e huaj, ju mund të minimizoni pa dashje bakteret e mira në mjedisin tuaj. Thjesht mos përdorni detergjentë kimikë të dëmshëm, por vetëm natyralë.

8. Ethet dhe temperatuara shkaktohen nga sistemi imun për të luftuar infeksionet

Ethet dhe temperatura  shkaktohet nga sistemi imunitar, jo nga infeksioni. Trupi rrit temperaturën e tij për të aktivizuar sistemin imunitar dhe për të krijuar një mjedis që është më i vështirë për viruset dhe bakteret të lulëzojnë.

9. Ju keni qeliza imune në çdo organ trupor

Kur mendoni për sistemin tuaj të qarkullimit të gjakut, është relativisht e thjeshtë të vizualizoni – keni zemrën tuaj, të ndjekur nga venat, arteriet dhe kapilarët. Mund ta imagjinoni si një udhërrëfyes. Tentimi për të hartuar sistemin imunitar do të ishte më shumë si të përpiqesh të vizatosh pemët në një pyll. Ju keni qeliza imune të shpërndara në çdo organ dhe sistem në trup.

10. Rrezet e diellit kanë efekte komplekse në sistemin imunitar

Për dekada, shkencëtarët e kanë ditur që ekspozimi ndaj rrezeve të diellit – posaçërisht rrezatimi ultraviolet (UV) – mund të shtypë përgjigjen e sistemit imunitar ndaj infeksioneve bakteriale, virale dhe mykotike.

Në të njëjtën kohë, rrezet e diellit bëjnë që trupi të prodhojë vitaminë D. Një studim i fundit sugjeroi që qelizat T nuk mobilizohen nëse zbulojnë vetëm sasi të vogla të vitaminës D në qarkullimin e gjakut. Për më tepër, studime të tjera sugjerojnë që vitamina D mund të nxisë prodhimin e peptideve anti-mikrobike në lëkurë – këto përbërës ndihmojnë në mbrojtjen e trupit kundër infeksioneve të reja.

11. Ushtrimi i rregullt është jetësor

Kur sëmureni, gjëja e fundit që dëshironi të bëni është të punoni. Sidoqoftë, lëvizja në baza rutinore mund të zvogëlojë shanset tuaja për t’u sëmurë në radhë të parë. Kjo sepse stërvitja rrit qelizat T dhe rrit aftësinë e mbrojtjes së trupit për të luftuar pushtuesit.

Për më tepër, kur merrni frymë më shpejt, mund të shtyni bakteret invazive nga mushkëritë më shpejt. Ushtrimet gjithashtu zvogëlojnë inflamacionin që është vulë e shumë sëmundjeve, të tilla si Alzheimer dhe sëmundjet e zemrës.

12. Bakteret e zorrëve janë çelësi për një sistem të shëndetshëm imunitar

Trupi i njeriut është shtëpia e triliona baktereve, të cilat tejkalojnë numrin e qelizave tona 10  me 1. Në traktin gastrointestinal, këto mikrobe shpesh janë të dobishme, duke ndihmuar në tretjen dhe sintetizimin e vitaminave B dhe K. Por hulumtimet gjithashtu kanë treguar se bakteret e zorrëve ndihmojnë sistemin tonë imunitar dhe na mbajnë të shëndetshëm në mënyra të ndryshme.

Për shembull, bakteret e dobishme parandalojnë bakteret patogjene (shkaktare të sëmundjeve) të zënë rrënjë në indet tona epiteliale dhe mukozale. Dhe këto baktere komensale gjithashtu trajnojnë sistemin imunitar për të bërë më mirë dallimin midis patogjenëve që shkaktojnë sëmundje dhe antigjeneve të padëmshëm, të cilat mund të ndihmojnë në parandalimin e zhvillimit të alergjive.

Në mënyrë të ngjashme, bakteret “e mira” mund të ndikojnë në ndjeshmërinë e sistemit imunitar ndaj antigjeneve, duke ndihmuar potencialisht në parandalimin e sëmundjeve autoimune, kushte në të cilat sistemi imunitar sulmon indet e trupit.

Bakteret gjithashtu prodhojnë antitrupa të dobishëm dhe nxisin shprehjen e proteinave të zorrëve, të cilat bëjnë që sistemi imunitar të riparojë dëmtimet e brendshme.

Ju mund ta përmirësoni funksionin e sistemit imunitar duke përmirësuar dietën tuaj. Në përgjithësi, duhet të ndaloni së konsumuari ushqime të përpunuara me shumë sheqer dhe miell të bardhë, mish të përpunuar, dhe artikuj të pasur me yndyrna të pashëndetshme dhe të ngopura.

Mbrojtja e trupit ka nevojë për agjentë natyralë që e mbështesin atë për të qenë në perfomancën e tij optimale dhe për të parandaluar infeksionet dhe çrregullimet e mundshme autoimmune, dhe zgjidhja më e mirë në këtë rast është produkti bimor Total Immunity Herbs, i përbërë totalisht nga bimë mjekësore shkretinore.